iok-tik ê blog

    傅育德是我ê本名，自細漢toh8生活佇充滿人情味ê阿蓮鄉，平日厝邊互相禮尚往來，氣氛和睦融洽，嘛培養出我質樸ê性格。自細漢，長輩toh8是灌輸阮正確ê待人處世之道，因此，我嘛略識一寡基本ê禮貌。我擱常常利用假日上山陪伴阿公阿嬤，我知影，老一輩ê序大上需要ê就是眾子女ê關心，看tioh8怹ê笑容，就是我上大ê幸福，予我無時無刻不活佇感恩的當今。

    小學時代我佮同學時常佇下課時陣拍躲避球、羽球、踢毽子。。。。。。捌有一擺下課佇體育館打羽球，打到老師揣到球場，彼ê時陣已經上課餘二十分阿。細漢時真正足愛耍。

    我捌讀慈濟高中，佇這間學校學著ê物件是外面看袂著ê，對我來講，遐ê物件非常實用，到tann猶原會記得。佇彼時，我常常利用假日去做志工，因為有能力去幫助別人是一件真快樂ê代誌，慈濟高中予我真好ê機會來服務社會，我感覺遮ê社會經驗是讀冊讀袂著ê，學校學袂著ê，干焦家己去親身體驗，感受付出當下，彼份關懷佮感動。

    進前猶有去過日本、新加坡𨑨迌，感覺有生之年就是應該愛去外面行行咧，看看外面ê世界，予家己一寡仔無仝款ê經驗，嘛是真趣味。

    大學ê我遠離家鄉，目前就讀台中教育大學台灣語文學系。離開父母親ê身邊，我慢慢對家己講，希望家己學會曉獨立，拄著真濟代誌會使獨當一面。