較早阮對台語的熟似攏只有聽厝內序大踮生活中的對話，若無就是對電視鄉土劇內面學一寡仔俗語，厝內的教育並無教阮按怎用羅馬字拼音來學台語，我想羅馬字拼音踮彼當時猶未足時行矣。
早時我掠準講家己會曉講台語佮聽台語，是無啥物了不起的代誌，一直到我讀大學入來台語系了後，煞發見愛學的物件猶閣有真濟，毋但是用喙講爾爾，台語讀寫，甚至是布袋戲、歌仔戲等等。雖然學習台語文才短短九個外月，猶毋擱，經過一个學期的練習落來，我聊聊仔會曉用信望愛輸入法來寫台語心得，嘛知影拄著怪漢字的時，會使使用「教育部台灣閩南語常用辭典」佮「台日大辭典」這兩个網站。
彼日我無意中踮圖書館掀著這本嚴長壽所寫的《總裁獅子心》，想袂到我無二三下就看完矣，內容大概是底寫伊成功的過程佮嚴長壽先生家己成長的經歷。我真佩服伊的努力佮拍拚，而且上重要的一點就是伊了解家己的優點佮缺點，發揮優點然後將缺點改正。親像伊咧做兵彼當時，頭先伊掠準講只要勿去惹著別人，摻人較少交插，按呢就會無代誌矣；毋過煞予人當做伊真歹鬥陣，感覺伊驕傲，「予一个環境接受，是任何人想欲踮任何所在成長的第一步」，尾後，伊親近遐的兵仔，摻怹開講、交換想法、興趣等等……。所以伊成功克服了做兵的一个難關。
真濟人攏捌看過英文翻譯作中文的冊，市面上日語翻譯作中文的冊嘛定定會使看見，毋過，若是講著閩南語這款的翻譯冊就確實較罕行，甚至是台灣的原住民語言也強欲失傳去阿!張學謙教授表示，咱臺灣的閩南語、客語、原住民語已經瀕危，親像人仝款破病住院，若是土生土長的臺灣人，就應該愛更加重視這寡語言，我建議教育部會使將雙語冊編入教材，予咱國家未來的主人翁來學習，如此一來，臺灣的母語就得到延續，若無遮的母語就會一步一步踏入死亡。教授伊嘛有講，使用兩種以上的語言不但袂予咱袂記家己本身的語言，反倒轉來說，會使咱的頭腦變巧。
為什麼有人枵腹的時陣，有人煞佇咧食鮑魚啃魚翅；為什麼有人無錢通用時；有人煞買幾若間樓仔厝佮幾若台進口个BMW?佇這个奇怪的世界有真濟無公平的為啥物，這擺的講座予我誠大的啟發。
這攏是”貪念”佇咧創治咱，因為貪心引起了私心，逐个人為著欲滿足家己的私慾，毋擇手段，企業家不公平對待伊的員工，變成富者越富，貧者越貧，講卡歹聽咧，散甲欲予鬼掠去啊，無飯通食紲枵死，只好去見閻羅王。電影”鐘點戰”內底有一句台詞：「散食的人就應該死」甘真正是阿呢?達爾文的物競天擇之說，「適者生存，不適者淘汰」是毋是有道理咧?相對來講，有飯通食的咱，猶閣會使坐踮教室聽課，實在真幸福，我定定佇咧想，若是逐个人會使加一屑仔「知足」，無定著「貪念」就會減少，若阿呢，這个社會嘛會卡安定。
傅育德是我ê本名，自細漢toh8生活佇充滿人情味ê阿蓮鄉，平日厝邊互相禮尚往來，氣氛和睦融洽，嘛培養出我質樸ê性格。自細漢，長輩toh8是灌輸阮正確ê待人處世之道，因此，我嘛略識一寡基本ê禮貌。我擱常常利用假日上山陪伴阿公阿嬤，我知影，老一輩ê序大上需要ê就是眾子女ê關心，看tioh8怹ê笑容，就是我上大ê幸福，予我無時無刻不活佇感恩的當今。
小學時代我佮同學時常佇下課時陣拍躲避球、羽球、踢毽子。。。。。。捌有一擺下課佇體育館打羽球，打到老師揣到球場，彼ê時陣已經上課餘二十分阿。細漢時真正足愛耍。
